សុវត្ថិភាពចរាចរណ៍ផ្លូវគោក

គ្រោះថ្នាក់ចរាចរណ៍នៅកម្ពុជា គឺជាបញ្ហាប្រឈមគួរឲ្យកត់ស​​ម្គាល់ ដែលបណ្តាលឱ្យមានការរងរបួស ស្លាប់ និងការខាតបង់ទ្រព្យសម្បត្តិរាប់មិនអស់។ ក្នុងការចូលរួមចំណែកកាត់បន្ថយគ្រោះថ្នាក់ចរាចរណ៍ ក្រុមហ៊ុន អិន ស៊ី អិច បានបង្កើតសាលាបង្រៀនបើកបរទោចក្រក្រយានយន្ដ ចាប់តាំងពីឆ្នាំ២០០៨ ដើម្បីផ្តល់នូវការអប់រំផ្សព្វផ្សាយ ស្ដីពីច្បាប់ចរាចរណ៍ផ្លូវគោក និងជំនាញសុវត្ថិភាពក្នុងការបើកបរទោចក្រក្រយានយន្ដ ដោយឥតគិតថ្លៃ។ 
ក្នុងន័យនេះ ដើម្បីបន្តនូវនិរន្តរភាពនៃកិច្ចខិតខំប្រឹងប្រែងរបស់យើងនោះ។ យើងក៏បានខិតខំលើកកម្ពស់ការយល់ដឹង អំពីសុវត្ថិភាពក្នុងការបើកបរ និងផ្តល់ការអប់រំផ្សព្វផ្សាយដល់ស្ថាប័នផ្សេងៗ ដូចជា ស្ថាប័នអប់រំ អង្គការក្រៅរដ្ឋាភិបាល និងសាជីវកម្មនានា នៅទូទាំងរាជធានី ខេត្ត ក្រុងផងដែរ។ គោលដៅចម្បងរបស់យើង គឺដើម្បីការពារ កាត់បន្ថយគ្រោះថ្នាក់ចរាចរណ៍ និងលើកកម្ពស់សុវត្ថិភាពក្នុងការបើកបរសាធារណៈ។